ផ្ទុះការចាប់អារម្មណ៍ខ្លាំង ក្រោយលេចវត្តមានតារាចម្រៀងខ្មែរល្បីល្បាញ ក្នុងកម្មវិធីតន្ត្រីថ្មីស្រឡាងនៅលើឌីជីថល!

កាលពីថ្មីៗនេះ កម្មវិធីតន្ត្រីថ្មីស្រឡាងមួយនៅលើបណ្តាញសង្គមហៅថា Cambodia Supreme Club នាំមកជូនដោយ Cambodia Supreme កំពុងលេចវត្តមានក្នុងប្រទេសកម្ពុជា ដោយពាំនាំនូវរសជាតិតន្ត្រីបែបថ្មីដូចជា Rap Hip Hop R&B និង Pop ជាដើម មើលទៅត្រជាក់ភ្នែក កម្សាន្តអារម្មណ៍ ប្រជុំដោយតារាចម្រៀងវ័យក្មេងល្បីល្បាញក្នុងស្រុក។ ពួកគេចូលខ្លួនមកបញ្ចេញសមត្ថភាព បង្ហាញស្ទីលចម្រៀងបែបថ្មី និងពណ៌ឆាកតន្ត្រីដ៏ទាក់ទាញភ្នែកអ្នកទស្សនា ក៏ដូចជាបង្ហាញនូវបទចម្រៀងថ្មីៗរបស់ខ្លួន។ តារាចម្រៀងនីមួយៗ ក៏ចែករំលែកបទពិសោធន៍ស៊ីជម្រៅពាក់ព័ន្ធនឹងវិថីតន្ត្រីរបស់ពួកគេ។

សម្រាប់ Episode ដំបូងក៏មានវត្តមានតារាចម្រៀង Rap លោក Zedes មុនគេបង្អស់ដែលចូលខ្លួនមក បង្ហាញស្ទីលតន្ត្រីថ្មីនៅក្នុងកម្មវិធីនេះ ដែលជាហេតុធ្វើឱ្យមានផ្ទុះការចាប់អារម្មណ៍យ៉ាងខ្លាំងពីសំណាក់ហ្វេនៗ និងស្រទាប់យុវវ័យដែលស្រលាញ់ចូលចិត្តស្តាប់តន្ត្រី។ កម្មវិធីនេះក៏បង្ហាញជូននូវ Creative ថ្មីៗ ដូចជាវីដេអូ B-Roll វីដេអូ Artist Endorsement និង Poster ជាដើម ហើយផលិតករក៏បានចម្រាញ់យកវីដេអូឱ្យមាន គុណភាពដល់អ្នកទស្សនា ដោយកំណត់ថេរវេលាត្រឹមតែ២០នាទីប៉ុណ្ណោះ រួមមានវគ្គច្រៀងចម្រៀងហៅថាArtist Studio Session Performance និងវគ្គសម្ភាសន៍ Artist Segment។

ក្នុងសប្តាហ៍នេះដែរ កម្មវិធី Cambodia Supreme Club នឹងចាក់ផ្សាយ Episode ដំបូងរបស់ខ្លួននៅថ្ងៃទី១០ មករា ចាប់ពីម៉ោង ៦កន្លះល្ងាចនៅលើបណ្តាញសង្គមដូចជាហ្វេសប៊ុក Cambodia Supreme Club, YouTube Channel Cambodia Supreme Club និង TikTok Account Cambodia Supreme Club។ ក្រៅពីនេះក៏មានការសហការផ្សព្វផ្សាយកាន់តែទូលំទូលាយនៅលើបណ្តាញសង្គមនៅលើផេកផ្លូវការរបស់ B TALENT និង AMS Infotainment ៕ #CAMBODIASUPREMECLUB #ZEDES #Rapper #CAMBODIASUPREME #SUPREMEALWAYS #រសជាតិល្អបំផុត #BTALENT #AMSInfotainment